چوخلار اینجیک کی سن اونلارانازایله میسن
منده اینجیک کی منیم نازیمی آز ایله میسن
اتمیسن نازی بو ویرانه کؤ لونده سلطان
ائوین آباداولا ،درویشه نیاز ایله میسن
هرباخیشدا چالیبان کیپریگی مضراب کیمی
بیرقولاق وئر بوسنیق قلبی نه ساز ایله میسن
سن گون اول قوی غم میزداغداقار اولسون أریسین
منیم آنجاق ایشیمی سوزوگدازایله میسن
بوگوزلیک کی جهانداسنه ورمیش تانری
هرقدرناز ایله سن ایله، کی آزایله میسن
منی بوسوزیله آتدین، آرالاندین بیلیرم
آرانی بیرپارانامردیله، سازایله میسن
دستمازایله دیگین چشمه، مسیحاقانی دیر
بیلمیرم هانسی کلیساده نمازایله میسن
خط وخالیندن آلیب مشقیمی قرآن یازارام
بوحقیقتله منی، أهل مجاز ایله میسن
شهریارین داغیلیب، داغداداشادالدالانیب
ئوزون انصاف ایله، محمودی أیازایله میسن
شهریارسخن روحت با امیرالمومنین محشورباد
